Kvinners underordning er ein gåve frå Gud. Frå Gud har menn fått leiareigenskapar, medan kvinner skal underordne seg han og vise ham ærefrykt. Dette skriv pastor Tone Lise Gustavsen i eit lesarinnlegg i Vårt Land. Som ein reaksjon på dette inviterte Dagsnytt 18 inn til debatt, der teolog og informasjonsleiar i Misjonssambandet Espen Ottosen bidro med å seie at han ikkje er for kjønnslikestilling: «Bibelen er veldig tydelig på at kvinner får en oppfordring til å underordne seg. Men menn får aldri en oppfordring til å sørge for at det skjer». Han viser at bibelen har ulike beskjeder til menn og kvinner om deira roller i ekteskapet.

Dette er sjølvsagt provoserande både for oss feministar frå eit prinsipielt grunnlag, og for dei med nok kunnskap om religion til å vite at både kristendom, jødedom og islam var progressive i sin tid, og inkluderte rettar og sosiale reglar som ikkje fantes i Midtausten for om lag 2000 år sida. Stikkord: Midtausten. For nokre tusen år sida. På ein side kan man respektere menneske med ein konservativ tru for å være konsistente: viss du oppriktig trur at din heilage bok (skrive i Midtausten for ca. 2000 år sida) er Guds ord gir det meining at du vil følgje alle dens bod og reglar.

Men eg spør då: Kvifor stoppe der? Viss man skal sjå til bibelen for bokstavtru retningslinjer for kjønnsroller i ekteskapet, har vi jo mange fleire gullkorn av livsvisdom, forbod og påbod å følgje. Her er eit lite utval:

Ikkje barber skjegget ditt
(Leviticus 19:27)

Ikkje sett opp ein steinsøyle i eit sted for offentleg tilbeding
(Deuteronomy 16:22)

Ikkje gå med klede vevd av både ull og lin
(Deuteronomy 22:11)

Ikkje plant forskjellege frø saman
(Leviticus 19:19)

Sex med ein kvinne medan ho menstruerer vil resultere i straffa at mannen og kvinna blir avskåre frå folket sitt
(Leviticus 20:18)

Ikkje spis eit dyr som har døydd utan å ha blitt rituelt slakta.
(Deuteronomy 14:21)

Ikkje ha frynser på hjørnet av kleda dine.
(Numbers 15:38)

Einkvar urein person må senke seg sjølv i eit rituelt bad for å bli rein.
(Leviticus 15:16)

Ikkje spis skapningar som lever i vatn som ikkje er fisk
(Leviticus 11:43)

Når du bakar skal du sette av litt deig for prestane.
(Numbers 15:20)

Ikkje ta opp eit lån med renter (Deuteronomy 23:20), og ikkje ta nokon del i eit rentelån.
(Exodus 22:24)

La oss få ein ting på det reine: Å snakke om kvinners underordning er å oppfordre til kvinneundertrykking. Reell likeverd, kjærleik og respekt kan ikkje eksistere i eit parforhold viss ein av partane på nokon måte blir forventa å underordne seg den andre, uansett grunnen. Eg lurer på korleis dei som bruker eit knippe utsegn frå bibelen til å rettferdiggjere kvinneundertrykking stiller seg til desse andre reglane frå bibelen? Dette er litt forvirrande: Det er vanskeleg å skjønne kvifor man aktivt skal følgje påbod om underordning i ekteskapet men samtidig kan forkaste reglar for klede, mat og ritualer for akkurat dei reglane er “utdaterte” eller “ugyldige”.

Bildebeskrivelse: To hender som blar i ein bibel, med uskarp bakgrunn.

Kjelder for nyheitssaker er NRK.no og Vårt Land. Bibelsitat er henta frå nettsidene til James Madison University: https://www.jmu.edu/dukehallgallery/exhibitions-past-2018-2019/the-613-mitzvot.shtml?fbclid=IwAR3iCmDunE0cnAcbQAx0JJUEk6VFalfv-QGXy_kuZaDuWPD2hV-iSRZxRv0

Illustrasjonsbilete er tatt av Rod Long frå Unsplash